تخطي وتحجب عن رضاي أعذارك...
وتزعل لو اني اسألك وش عذرك
افهمني لحظه لا يزيد اصرارك ...
ادري خطاك صغير لكن صبرك
حجم الخطا ينقاس من مقدارك ...
وانت اتعرف في خافقي وش قدرك
يمكن تكون افكاري غير افكارك ...
لان كبير اصبح خطاك بكبرك
منك الدفا ترى يفرق عن نارك ...
والفرق واضح بينهم لو تدرك
لا تحسبني في الهوى مختارك ...
حبك فرض نفسه علي بامرك
دفنت لك قلبي تحت اسوارك ...
ودخلت في دنيا المحبه عبرك
اشوف وسع الكون من منظارك ...
ويضيق كوني لو تضايق صدرك
امشي معك لو طال بي مشوارك ...
العمر كله لو معك في قبرك
في القلب حافظ لك جميع اسرارك ...
وباقي على عهد مضى من خبرك
من كثر ما احبك ابيت في دارك ...
نفسي قبل ما تذوب فيك وتشرك
بالوصل زود دلتي في بهارك ...
والقلب دقه لو تبي في نجرك
صدقني والله لو اذووق امرارك ...
اهون علي من ثواني هجرك
احلى صباحي لو همس مزمارك ...
ويحلى مسائي لو يذعذع عطرك
يا بخت من يسكن معك في دارك ...
لا وا هني من يعرفك من صغرك
حسنك احد ثالث رموز اخطارك ...
والموت كله لا تمايل خصرك
سوق الذهب ما نلقى فيه عيارك...
حسنك طبيعي لا حشى ما فبرك
منته بجار للقمر هو جارك ...
يسمر معك حتى يبين فجرك
الله يكون بعون خيط زرارك ...
وشلون صابر لا يذوب في صدرك
الله يجنبني جحيم اضرارك ...
تقتلني أسف لو تجي منتظرك
واعذرني لو اشوف اصغارك ،،
كبار لانك بالحشى يا كبرك